Qaqqatoqqami sakkortusaavik attaveqaleqqippoq
TELE-POST nalunaarpoq Qaqqatoqqami sakkortusaavik DYE ONE sisamanngormalli attaveeruttoq iluarsisimasoq.
Allattoq Thora H. Nielsen
Sakkortusaavik Qaqqatoqqamiittoq DYE ONE attaveqaqqilerpoq. Ulloq tamaat ingerlatsinermut pisortaq Kaj Skytte aquttoralugu suleqatinilu marluk Qaqqatoqqamiittut attaveqarnermut atortorissaarutit tamakkingajallugit taarsersorpai.
Teknikkikkut ingerlatsinermut pisortaq Kaj Skytte ima oqarpoq: - Qaqqatoqqami sakkortusaaviup attaveqaleqqinnera nuannaarutigeqaarput, attaveerunnerullu nalaani atuisunut qanoq sunniuteqarsimanera ajuusaarutigaarput.