Qaqqat Alanngui Sisimiormiunit nuannarineqaqaaq

Filmi ersinartuliaq, Qaqqat Alanngui sisamanngormat Sisimiuni kultoruikkut illorsuarmi, Taseralimmi qaaqqusanut takuteqqaarneqarpoq. Inunnit takuniaasunit nuannarineqaqisoq, Taseralimmi pisortap, Arnajaraq Støvlbækip oqaatigaa.
Allattoq Apollo Jeremiassen
juunip 11-at 2011 15:41

Filmimi inuttat Sisimiuneersut filmerianut ilaasut eqqarsaatigalugit filmertarfiup isaariaanut tippi aappaluttoq siaarneqarsimavoq. Filmertarfik inunnik 150-inik sinneqartunit ulikkaaveqqasimavoq. Isiginnaarianut ilaallutik immikkut qaaqqusat, ilaatigut isiginnaartitsisut angajoqqaavi Sisimiormiut.

Arnajaraq Støvlbækip  tusagassiutinut nalunaarummini allaaseraa, filmip ingerlanerani nilliasoqartarsimasoq aammali ilaanni illartoqartartoq oqaatigalugu.

- Filmi naammat pattaattut imaaginnavipput. Angajoqqaallu tanngassimaaqisut paggatitsillutik, Arnajaraq Støvlbæk allappoq.

Filmi Qaqqat Alanngui unnugu aqagulu kikkunnit tamanit isiginnaariarneqarsinnaavoq, taamaaliortoqaqqissalluni sapaatip akunnerani tullermi aamma.

Sapaatip akunnerani kingullermi filmi Nuummi takutinneqaqattaarmat isiginnaariarluarneqarsimaqaaq.

Filmimi ilitsersuisup aappaata, Malik Kleistip oqaatigaa, filmi illoqarfinni arlalinni takutinneqarnissaa siunertaralugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq