Qaqqasiortartut qulingiluat ajunaarput
Nunarsuarmi qaqqat portunersaata tulliani K2-mik taaguutilimmi sermip sisuneratigut qaqqasiortartut katillugit minnerpaamik qulingiluat qaqqarsuarmut qaqinissaminnut kilometerit arfineq-pingasuinnanngortullu tallimanngormat ajunaarput.
aggustip 03-at 2008 13:25
Ajunaartut ilagaat Norgemiu 33-nik ukiulik Rolf Bae, taanna ajunaarmat nulia qaqqasiortartoqataalu allat isiginnaartuupput.
Qaqqasiortartut oqaaseqartartuata norgemiut nutaarsiassaqartitsiviannut NTB-mut oqarnera naapertorlugu, maanna isumannaatsumut pisimanerarput.
Qaqqasiortartut allat aamma sermip sisuneratigut ajunaarput maannamullu katillugit tassa qaqqasiortartut qulingiluat ajunaartutut kalerriutigineqarput.
Sapaatip akunnerunngitsorluunniit matuma siorna kalaallit marluk Nick Nielsen aamma Jacob Wetche qaqqarsuarmut tassunga K2-mut qaqingajakkaluarlutillu navianarpallaartutut nalileramikku utiinnartariaqalersimapput, taamalu aalajangersimanertik nuannaarutigigaat danskit aviisianni Politikenimi ullumi allaaserineqarpoq.
