Qaqqasiortartorsuaq ajunaarsimassangatinneqalerpoq
Qaqqasiortartoq Nepalimiu, nunarsuatsinni qaqqasiullaqqinnerpaat ilaattut isigineqartoq, qaqqami Mount Baruntse-mi, Mount Everestip sanianiittumi ajunaarsimassangatinneqalerpoq.
Allattoq Elisa Isaksen
oktobarip 25-at 2010 06:17
Nepalimiu 43-nik ukiulik Chhewang Nima Sherpa Mount Everestimi 7129 meterinik portussusilimmiitilluni ajunaarsimassangatinneqarpoq.
Qaqqasiortartut arlallit ikiorlugit, taanna allunaasanik suliaqaleruttorluni aputip sisoorneranit sakkortuumit aqqusaalutorineqarpoq.
- Qulimiguulimmik sumiissusersiniarsaraarput. Taamaattorli ajutoornermut aniguisimasinnaanissaa ilimanaateqarpallaanngilaq, Tilak Pandey Nepalimi takornarianut ministereqarfimmi qaqqasiornermut immikkoortoqarfimmeersoq Ritzauimut oqarpoq.
Qaqqasiortartup taassuma Mount Everest 19-eriarluni qaqisimavaa, ataasiarlunilu qaqeqqittuuguniuk rekordiliisimasoq angusussaagaluarlugu.
