Qaqqarsuarmi K2-mi qaqqasiortut tamarmik nakkutigineqarput
Pakistanimi qaqqarsuarmi K2-mi qaqqasiortut tamaasa nakkutigalugit pisortat tusagassiorfimmut AP-mut nalunaarput.
Sermeq 12 meterisut issutigisoq 8000 meterisut qutsitsigisumiittoq kaanngarluni nakkarmat qaqqasiortartut aqqanillit ajunaarput.
Hollandimiut marluk qulimiguulimmik sakkutuut napparsimaviannukaanneqarput italiamiorli ataaseq, qerussorsimaqisoq suli ammukartoq aaniarlugu 6000 meterisut atsitsigisumut pinissaa utaqqivaat. 6000 meteriniit qaffasinnermi silaannaqanngingajannera pissutigalugu qulimiguulik qutsinnerusumi annaassiniarsinnaanngilaq.
Qaqqasiortartut 20-t eqimattakkaanut arfineq pingasunut agguataarsimasut qummukaleruttortut sermeq kaanngarpoq.
Kalaaleq, Nick Nielsen, qaqqarsuarmiit ujaqqanik sisoortoqarnera pissutigalugu juulip ulluisa 16-iani ammukaqqiinnarpoq.