Qaqqaq innermik aniatitseriaannaavoq
Islandimi qaqqaq innermik anitsisoq, Eyjafjallajökull, pissutigalugu suli sakkortunermik anitsisoqariaannaavoq. Qaqqaq alla, Katla, Eyjafjallajökullip qanittuaniittoq, innermik anitiseriaannaasoq ilisimatuut ilimagereerpaat, sulilu sukannernerusumik aarlerisaarilerput.
marsip 23-at 2010 05:12
- Katla innermik anitsisinnagu Eyjafjallaökull anitseqqinnavianngikkallarpoq. Taamaammat eqqummaarinnissarput pisariaqarluinnarpoq, geofysikeri Pall Einarsson oqarpoq.
Katla innermik anitsissagaluarpat sikorujussuaq aattussaavoq, qarsutsinersuaqarneranik kinguneqartumik. Illoqarfik Katlap qanittuaniittoq, 300-nik innuttalik, ulorianartorsiortorujussuuvoq.
Katlallu innermik anitsinissaata aarleqqutigisariaqarneranut peqqutissaqarluarpoq, kingullermimmi 1823-mi anitsineranut pissutaavoq Eyafjallajökullip innermik taamani anitsinera. Qaqqat taakku marluk arlaatigut imminnut attuumassuteqarnissaat ilimagineqartoq, nutaarsiassaqartitsivimmi Ritzauimi allaaserineqarpoq.
