Qaqqap innermik aniatitsinera sunniuteqangaatsiarsinnaavoq

Islandimi qaqqap innermik sapaatip-akunnerup naanerani anitsinera silap pissusaanut sunniuteqarsinnaassaaq. Qaqqat innermik anitsisartut pillugit ilisimasalik taama isumaqarpoq.
Allattoq Mads Lynge
marsip 22-at 2010 05:33

- Silaannaq fluorimik svovldioxidimillu akuneqarpat silap pissusaanut tamanna sunniuteqarsinnaassaaq, ilisimatooq Henning Andersen Danmarkip Radioanut oqarpoq.

Qaqqaq Eyjafjallajøkull Reykjavikimiit 160 kilometerinik ungasissusilimmiittoq innermik ippassaq anitsilerpoq. Inuit 600-t missaat inigisaminniit qimagutitinneqartariaqarsimapput. Ajunaarnersuaqartillugu maleruagassat atuunnissaat Islandimi oqartussat ippassaq aamma aalajangerpaat.

Qaqqap Eyjafjallajøkullip innermik anitsineratigut qaqqap allap sakkortunerusumik anitsilersinnaanissaa ilisimatuut aarleqqutigaat:

- Katlap innermik anitsilersinnaanissaa aarleqqutigaarput. Qaqqaq taanna aarlerinarpoq, tassami Islandimut nunarsuarmullu sunniuteqarsinnaaqisumik innermik anitsileriataarsinnaavoq, University of Icelandimi geofysikeri Pall Einarsson nutaarsiassaqartitsivimmut AP-mut oqarpoq.

Eyjafjallajøkullimi innermik kingullermik anitsisoqarmat 1823-mi pivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq