Qaqqap innaarsuata qaartinnissaa ulorianartoq

Ilisimatuut naapertorlugit qaqqap innaarsuata imaanut nakkaanissaata piffissalernissaa ajornakusoorpoq.

Qaqqap nakkutigisamik sisoortinnissaa siulittorneqanngitsunik kinguarneqartitsisinnaammat nangaasaarutigineqarpoq.

Kalaallit upalungaarsimasuisa kissaateqarnerat peqqutigalugu GEUS-ip norgemiut qaqqap nakkaasarneranut ilisimatuujusut attaveqarfigilerpaat.

- Qaqqap juunip 17-iani nakkaasup kitaaniittup assinganik nassiussivugut, GEUS-imi ujarassiuut pisortaat, Stefan Bernstein oqarpoq.

Qaqqap kaanngaqqajaasup malissuartitsilersumik nakkaanissaa aarlerinangaatsiartoq norgemiut ilisimatuut nalilerpaat:

- Eqqaaqqissavarali, qaqugu nakkaanissaa ilisimaneqanngilaq, Bernstein oqarpoq.

Norgemiut ilisimatuut qaqqap nakkutigisamik nakkaatinneqarsinnaaneranut periarfissat aamma misissuiffigigaat, assigiinngitsunillu peqquteqarlutik taamaalioqqusinngillat.

AAMMA ATUARUK Vi passer på jeres huse

Nunat assigiinngitsut akornanni misilittagaqartoqarpallaanngilaq, nakkaatitsiniarnerullu ajornartuusussaanera aarlerinartoqarneralu ilaatigut peqqutaapput:

- Qaqqap ilaanit qaartitsiniarnermi putooreqqaartoqakkajuppoq. Uanili taamaliortoqarpiarsinnaanngilaq tassami qillerutinik ikkussuisoqarsinnaanngilaq. Qaartitsissutissanik ikkussuinermi ikkussuiartortussat  nakkaateriataarnissaanut aarlerinartorsiorfimmiissinnaapput annaanniarnissaannullu periarfissaqarnaviarnani.

Qaartinneqassagaluarpallu suut kingunerisinnaaneraat aamma takujuminaappoq. Qaqqami sumiiffiit allat aamma aarlerinartoqalersinnaapput:

- Ukiuni arlalippassuarni tassaniissinnaapput – imaappoq suli ajornerulersitsinissaq aarlerinarsinnaalluni. GEUS-imi ujarassiuut pisortaat, Stefan Bernstein oqarpoq.

GEUS-imi pisortap tullia, Flemming Christiansen Nuummut pingasunngormat tikippoq, taaassumalu upalungaarsimasuutitanut ataatsimiititaliaq Karrat Kangerluannut tunngasunik oqalliseqatigissavaa. 

AAMMA ATUARUK Norgemi qaqqat navianaatillit ataavartumik nakkutigineqartut

AAMMA ATUARUK Maqaasineqartut ujaarineqarnerat politiit taamaatiinnaraat