Qaqortumi politiit angut ujaarineqartoq pillugu: Quisi illukulluunniit misissorsigit
Ujaarineqatoq ajunnginnersoq politiinit ernumassutigineqarpoq.
Jens Anguteeraq Benjaminsen Narsami kingullermik novembarip ulluisa aqqaneq aappaanni takuneqartoq, politiinit suli ujarneqarpoq.
Qaqortumi politiit kaammattuutigaat, Narsami, Nanortalimmi Alluitsup Paanilu innuttaasut peqataallutik quini, illukuni inuilluunnit najorsinnaasaanni ujaaseqqullugit.
- Jens Anguteeraq Benjaminsenip qanoq innera ernumassutigaarput, Narsamimi kingullermik takuneqarami qasoqqanerarluni oqarsimammat, Qaqortumi politiit tusagassiutinut taama nalunaaruteqarput.
Assi: Qaqortumi politiit / Jens Anguteeraq Benjaminsen.
Anguteeraq Benjaminsen ima nassuiaatigineqarpoq:
- Angut kalaaleq, 170 aamma 175-it akornanni angissuseqarpoq. Nalinginnaasumik nerinnangajassinnaasumillu isikkoqarluni, qernertunik akunnattunillu takissuseqarlinnik nujaqarpoq.
Ujaarineqartoq kajortunik iseqarpoq, naatsunik umeqassangatinneqarluni qaamilu talerpiatungaani qileroqarluni.
Innuttaasut ujaarineqartoq ullut 14-it iluanni takunnissimasinnaasut , ujaarineqartulluunniit sumiinneranik ilisimannittut Qaqortumi Politinit attavigerusunneqarput.
Ujaarineqartup ilaqutai, ikinngutai ilisimasarisaalu Qaqortumi politiinit attavigineqareersimapput, ujaarineqartullu sumiiffigisinnaasaani ujaasisoqarluni, politiit allapput.
Qaqortumi politiit oqarasuaammut 70 11 22-mut attaveqarfigineqarsinnaapput.
