Qaqortumi oqarasuaatinik angallattakkanik tillissimasutut unnerluutigineqartut
Niuertarfimmi sapaatip-akunnerani kingullermi tillinniartoqarmat oqarasuaatit angallattakkat iPhonet Samsungillu 22-t tillinneqarsimapput.
Oqarasuaatit angallattakkat tillinneqartut ilaat arlaqartut politiinit nassaarineqarput, ilaali suli nassaarineqanngillat.
Oqarasuaatit angallattakkat tillinneqartut inuinnarnut tunineqarsimanissaat politiit ilimagivaat.
Qaqortumilu politiit eqqaasitsissutigeqqippaat, tillitanik pisineq pillarneqaataasinnaammat.
- Qulakkeerlugu oqaatigerusupparput, tillinneq pillarneqaataasarmat aamma tillitanik pisineq taamatorluinnaq.
Matumuuna innuttaasunut kaammattuutigissavarput, oqarasuaatinik angallattakkanik akikitsunik tuniniaasunik neqeroorfigitittut uagutsinnut saaffiginneqqullugit, Bent Ole Kleist Kujataata politeeqarfiani pisortaq oqarpoq.
Oqarasuaatinik angallattakkanik tillissimasunik ilisimasaqaruit imaluunniit tillinneqarsimasunik pisinissamut neqeroorfigineqaruit Qaqortumi poliitinut attaveqaqquneqarputit, Qaqortumi politiit oqarasuaatata normoraat 70 11 22.