Qaqortumi Brugseneeraq 80.000 koruuninik aamma tillinniarfigineqarpoq
Brugseneeqqami sulisoq sapaatip akunnerata naanerani aningaasat isertinneqarsimasut ullaaq aningaaserivimmukaatissallugit animmat tunuanit anaaneqarsimavoq aningaasanillu 80.000 koruuninik ujajaaffigineqarluni.
Allattoq Bikki P. Kleist
Sulisoq 80.000 koruuninik ujajaaffigineqartoq piffissami sivikitsumi ilisimajunnaaqqasimavoq. Taamaalilluni Brugseneeqqanut tillinniarnerit Nuummi Qaqortumilu marlunngorput.
Qaqortumi politiit ullaaq nalunaaqutaq arfineq-marlunut tanneq sisamanngortoq nalunaarfigineqarput, ujajaasorlu kinaanersoq suli ilisimaneqanngitsoq politiit nalunaarput. Ujajaasoq aningaasat tigoriarlugit blok F-p tungaanut qimaasimasoq politiit nalunaarutigaat.
Inuit takunnissimasinnaasut paasissutissaateqartulluunnit qinnuvigineqarput Qaqortumi politiinut 642222-mut attaveqaqquneqarput.