Qaqortumi aput sisoortoq
Unnuaq aperujussuarnerata kinguneranik Qaqortup ilaani Hastrupvej-imi sivinganeq aputip sisoornermigut assersimavaa. Aputip sisoorneranit biili ataaseq meterinik arlalinnik nikisinneqarsimavoq, qujanartumillu inunnik ajoqusertoqanngilaq. Biilinik angallattut maanna Qaqortumi politiinit mianersoqquneqarput.
Unnuaq aperujussuarnerat aqqusinerni angallanneq akornusersorpaa, taamaattoq ullup ingerlanerani kommunep aqquserngit akornuteqanngitsumik ingerlaarfigineqarsinnaasunngortinniarpai.
- Biilinik angalasut mianersoqquneqarput suli aqquserngit arlallit aputeqaqimmata, aputaajaasut angummanniarsarigaluarput, Qaqortup politiivini politikommisær Bent Ole Kleist nalunaarpoq.
Kommune kujallermi sulisut aqquserngit sisoorfiusinnaasut maanna isumannaarniarsarai.