ASSIT Qaqortorsuarmi piareersaataasumik sanaartorneq ingerlalluartoq
Hudson Ressources ingerlalluarpoq, ingerlatseqatigiiffiummi ukioq manna anguniakkani angusimallugu sulinerlu aappaagumut unitsikkallarlugu børsimut nalunaarutimini erseqqissaatigaa.
Kangerlussuup eqqaani Qaqortorsuarmi anorthositimik piiaanissamik suliniutaasoq ingerlalluarpoq, piiaavissallu eqqaani sanaartornerup annersaa naammassineqarsimalluni.
Piiaavik, Hudson Ressources
Umiarsualivissamut quersuassamullu qaartiterisoqarpoq, aqquserniortoqarpoq ujaqqanillu sequtserivissamut aamma piareersaateqartoqarluni. Najugaqarfissaq aappagu sulineq aallarteqqippat inunnit 45-nit najugaqarfigineqarsinnaanngorlugu aamma allilerneqarpoq.
Aamma atuaruk Hudsonimut isumaqatigiissut: Taarnermi qaamaneq
Sanaartornerup ilarujussuata naammassineqarneratigut Hudson Ressourcesip suliniutaata immikkoortuata aappaa qanilleqqippoq, tassalu avammut nioqquteqarnerup aappaagumit aallartinnissaa, James Tuer, Hudson Ressourcesimi siulersuisut siulittaasuat taama oqarpoq.
- Sanaartornerup annersaa naammassivarput, 2017-imilu aallartinnissatsinnut tunngatillugu pitsaasumik inissisimavugut. Tunisassiatta sullitatsinnut 2017-ip affaata aappaani nassiussornissaannut atortorissaarutit pisariaqartitagut piniarlugit aallartereerpugut, James Tuer taama oqarpoq.
Piiavimmit kangerlummut isikkivik, Hudson Ressources
Aamma atuaruk Hudsonip Børsimut nalunaarutaa
Anorthositimik misiliutissatut tigusat, Hudson Ressources
