Qaqortoq: Ujajaasut tigusarineqarput
Angutit inuusuttut Sparimi tillinniarsimasutut pasineqartut 17-nik 18-nillu ukioqarput.
- Suliap aallartinneranni paasissutissanik peqareersimavugut. Taakku saniatigut innuttaasut saaffiginnissutaat iluaqutigalugit kikkuuneri paasivarput, Kunuk Frederiksen Qaqortumi politiiniit KNR.gl-mut oqarpoq.
Paasissutissat politiit tusagassiorfinnut tunniussinnaasaat suli killeqarallarput. Taamaattumik tillitat qanoq amerlatiginersut suli avammut nalunaarutiginngilaat.
Angutit inuusuttut marluk Qaqortup Eqqartuussiviani aqagu inatsisit tunngaviusut tunngavigalugit killisiorneqassapput. Tigummigallagassanngortinnissaat politiinit piumasarineqassamaarpoq.