Qanorooq sapaatit akunnerini marlunni immiuteriigaasassasoq
KNR-imi teknikkikkut atortut nutaanik taarsersorneqalerput. Tamanna pissutigalugu Qanorooq sapaatit akunnerini 40-mi aamma 41-mi toqqaannartumik aallakaatinneqassanngilaq.
Allattoq Aaqqissuisoqarfik / Redaktionen
oktobarip 02-at 2017 16:12
Qanoroorli suli nalunaaqutaq 19.00 aamma 22.00 (danskisut allagartalersugaq) isiginnaarsinnaavat. Arfineq marlunulli pisarneq malillugu toqqaannartumik aallakaatinneqartaraluartoq sapaatit akunnerini taakkunani toqqaannartuussanngilaq, ualikkulli immiuteriigaasassaaq.
Tamatumani KNR-imi tv-qarfiata atortorissaarutai nutaanik nutaaliaanerusunillu sapaatit akunnerini 40-mi 41-milu taarsersulernerat pissutaavoq. Tamannalu toqqaannartumik aallakaatitsisarnitsinnut kinguneqassaaq.
Isiginnaartartutta allannguineq malugivallaassanngikkaat sapinngisarput tamaat sulissutigissavarput.
