Qangarsuarnitsat suujunnaarnissaat professorip aarleraa

Nunarsuatsinni silap pissusaata allanngoriartupiloornerata qeriuaannartullu aakkiartornerata kingunerisaanik oqaluttuarisaanermi pingaarutillit qangarsuarnitsat suujunnaartitilernerat, professorip Eske Willerslevip uggoraa.
Allattoq Louise M. Kleemann
novembarip 24-at 2008 08:55

Qangarsuarnisaleritooq Eske Willerslev inuup sananeqaataanut ilisarnaatitut takussutissat DNA-t atorlugit 2007-imi oqaluttuarisaanermik allanngortitsisussanik nassaartuuvoq.

Taamani Kalaallit Nunaata orpippassuaqarfiusimanera sullinerpassuarnillu - sikannertuuneq pakkalussanillu – uumasoqarsimanera paasivaa. Paasisai sermersuarmi qillerinikkut to kilometerisut ititigisumi misissukkaneersuupput.

- Nunap qeriuaannartup sermersuullu aakkiartornerisigut, uumasut saarni naasullu toquneri suujunnaassapput, Eske Willerslev Politikenimut oqarpoq.

Taamaammat misissugassanik sapinngisamik amerlanerpaamik katersiortornissaq pisariaqarsoraa. Willerslev Kalaallit Nunaani qangarsuarnitsanik silap kissatsinnerata kinguneranik suujunnaarsinneqarnissamut aarlerinartorsiortunik 2009-p aasaani assaanissamut aningaasaliisussarsiorpoq.

- Kingusinaartoqartinnagu misissuinissanut aningaasaliisoqartariaqarpoq, Eske Willerslev oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq