Qanganitsanik pingaartitsisoq Raisi Iranimi præsidentimut qinersinermi ajugaasoq
Qanganitsanik pingaartitsisoq Ebrahim Raisi Iranimi præsidentimut qinersinermi ajugaarujussuarpoq.
Raisi Iranimi eqqartuussisuni qullersaavoq qanganitsanillu pingaartitsilluinnartuulluni.
DR-ip Kangia Qiterlermit ilanngutassiortua Michael S. Lund taama oqaluttuarpoq.
AAMMA ATUARUK 2020-mi coronamik tuniluuffiuvoq aammali qimaasorpassuaqarpoq
- Qanganitsanik pingaartitsilluinnarpoq. Iranip eqqartuussisoqarnerani siuttuuvoq, Iranimilu pillaatitut 80-ikkuni toqoraanermut attuumassuteqarluni. Taavalu upperisarsiornikkut Iranimi siuttunit ikorfartorneqarluarpoq.
DR-imit Michael S. Lund oqarpoq.
Ebrahim Raisip aggustimi ivertinneqarnissaa naatsorsuutigineqarpoq. Politikeri ingasattajaartuunngitsoq Hassan Rouhani præsidentitut kingoraassavaa.
Qinersisinnaatitaasunit 59 millioninit 28,6 millionit qinersipput.
Iranimiorpassuit ingasattajaanngitsunik qinigassaaleqigamik qinersinngillat.
/ritzau/Reuters