Qamutit sikumik aserorterineq isornartorsioraat
Kangerluk qamuteralattartunit ukiumi atorneqarluartarpoq. Taamaammat Issittumi Sakkutooqarfiup alapernaarsuut Hvidbjørnen kalerreeqqaarani sikumik aserorterisimammagu isornartorsiorneqarpoq.
- Qamuteralattartut ulluinnarni Kang Skicenterimukarniarnerminni Kangerluarsunnguulluunnit qinnguanukarniaraangamik aqqutigisartagaat taamaalillutik aqqutissaajunnaarsippaat, Qamutit Facebookimi quppernerminni allapput.
- Siku aqqutiginiaraanni Ulorianartumik sivingasukkut ulorianarsinaasullullu ammukaqqaartariaqrpoq, Tamatuma inuppassuit nuannisarlutikasimiikkusukkaluartut soorunami ikilisissavai, tamannalu ajuusaarnangaatsiarpoq.
Paasissutissat amigaatigigaat
Qamutittaaq Issittumi Sakkutooqarfiup kangerlummoi sikumik aserorterisimanerminnik paasissutissiisimannginnera kamaatigaat.
- Atuisartut sikumik naliliinerannik tusarniaallutik aammalu atuisartunut kalerrinniarlutik, Issittumi Sakkutooqarfik Qamutinut attaveqarsimappat tulluarsimassagaluarpoq. Atuisartut taamaalillutik sikukkoornerminni siku aserortigaq aqqusaassanngimmassu, Qamutit allapput.
Naliliineq ajuusaarutigaat
KNR-ip Issittumi Sakkutooqarfik attavigaa taakkulu sikumik aserorterineq umiarsuarmik aquttunik nutaanik ilinniartitsinermut atatillugu pisimasoq nassuiaatigaat.
- Tamanna siunertaralugu Hvidbjørnen ualimut (sisamanngornermi, aaqq.) Kangerluarsunngualiarpoq. Hvidbjørnenip siku qamuteralattartunik aqqutigineqarsinnaanngitsutut nalilerpaa. Sikumik naliliineq taanna kukkunerusimasinnaavoq. Issittumi Sakkutooqarfik utoqqatsingaatsiarpoq, Issittumi Sakkutooqarfiup attaveqaqatiinnermut sulisua, Jette Elkjær oqarpoq.
Taassuma Issittumi Sakkutooqarfiup umiarsuaataanut sikumik aserorterisarneqqanittuani najugalinnut illoqarfimmiut minnerunngitsumillu takku sikukkut angallannissaannut periarfissanut soqutiginninnikkut pisarnissaa erseqqissaatigineqartoq ilisimatitsissutigaa.