Qamuteralaatillit peqatigiiffittaalersut

Kisimiilluni imminut illersorneq qasunarsinnaavoq. Sualummik nalunagu peqatigiiffimmit illersorneqarsinnaalluni. Taamaammat Ib Kam Jansen maanna Ilulissani Qamuteralaatillit peqatigiiffiannik pilersitsinialerpoq.

Qamuteralaatillit peqatigiiffianut pilersitsilernermut peqqutaasut ilagaat Ilulissat kommuneat suleqatigineqarluarnissaa anguneqassammat.

-Ilulissat Kangerluanni Kangia UNESCO-p eriagisassanut allattorsimaffiani allaqqavoq, maannakkut paasisimasakka malillugit malittarisassat ersarinnginnerat pissutaalluni sumi tamaani angalasinnaaneq atuuppoq, Ib Kam Jansen oqarpoq.

Qamuteralaatillit peqatigiiffiani ilaasortat atungarisaatigut pitsaasunik anguniagaqarnissaq Ib Kam Jansenip ujartorpaa.

-Ilaasortat qamuteralaat atortuinut taartissanik akikilliliivigineqartarnissaat anguniarusuppara, aamma qamuteralannut quinik pilersitsinissaq, tassami maannakkut qamuteralaat ukioq kaajallallugu silaannarmiisinneqartarput, Ib Kam Jansen oqarpoq.

Qamuteralaatillit peqatigiiffiata innuttaasunik oqaloqatigiissinnaanermik ammaassinissaq anguniarpaa.

- Qamuteralannik ingerlaartartut isornartorsiorneqassappata peqatigiiffiup illersorsinnaalissavai, Ib Kam Jansen oqarpoq

Qamuteralaatillit peqatigiiffiata aamma qamuteralaat aqqutaannik illoqarfiup iluani pilersitsisoqarnissaa angorusuppaa, qimussit inuillu akornusersorneqannginnerussammata.