Qamuteralaat James Bondimut piukkunnartut
Allatulluunniit oqaatigalugu: Qamuteralaat nipeqanngingajallutik aputisiutigineqarlutillu sikusiutigineqarsinnaassapput.
Qamuteralaat taakku LOKI-mik, qallunaatsiaat guutitoqaasa ilaat atsiullugu, taaguuserneqarput. Qamuteralannik sanaartorneq ukiuni kingullerni marlunni ingerlanneraeersimalerpoq, misiligarneqallattaalereersimallunilu. Canadamiut sakkutuuisa issittumi sakkutuulersuineruniarnertik aalajangiutereeraallu qamuteralannik nutaalialiorneq aallartinneqarpoq.
Qamuteralaliorneq ulloq-manna tikillugu koruunit millionit sisamaat avillugu - tassa 3,5 millionit koruuninik - akeqareersimalerpoq, paasissutissalli sukumiinerusut isertuunneqarmata qanorpiaq isikkoqarnersoq ilisimaneqarpianngilaq.
Issittumi pissutsinut ilisimasaqarluartup, Michael Byersip, aviisimut Canadian Press-imut oqarnera naapertorlugu nipeqanngingajattunik qamuteralaliorneq sumut iluaqutaassanersoq paasiuminaatsinnerarpaa, Canadallu issittortaani pinerliinianik inupilunnillu allanik aalaaluttuinnaanngitsoq matumani tikkuartorlugu.
