Qallunaatsiaat najugaqarfigisimasaat takornariarneqarsinnaalerpoq

Qallunaatsiat Narsami najugaqarfigisimasaat ullumikkullu suliffissuup eqqaaniittoq Katersugaasiviup iluarsarlugu ulluni makkunani naammassilerpaa. Qallunaatsiaqarfiusimasoq Landnamsgård-imik taaguuteqartinneqartoq Nunatsinni pisoqaanersat ilagivaat. Københavnip Naalagaaffiup Katersugaasiaviani sulisuusimasumit C.L. Vebæk-imit 50-ikkunni assanneqarpoq.

Pinngortitamik ilisimatusarnerit misissuinerillu tunngavigalugit itsarnisarsiuut aalajangersinnaasimavaat, Landnamsgård-i ukiup 1000-p missaanni sananeqarsimasoq. Tassa Eriup Aappalaartup Nunatsinnut tikinnerata nalaani sananeqarsimavoq.

Nassaat Danmarkimut nassiunneqarsimapput. Ukiualunnguilli matuma siornatigut Nunatsinnut utertinneqarlutik maannakkullu Nunatta Katersugaasiaviani Nuummiittumi toqqortaatigineqarput.

Takornariarpassuit ukiut ingerlanerini qallunaatsiaqarfiusimasoq takornarniarfigisarpaat aqqutaanili akornuteerarpassuit assigiinngitsut aqqusaartoreerlugit tassanngaaniit pakatsisimallutik ingerlaqqittarput. Ujaqqat nunaminertallu uingasut itsarnisarsiuunit misissuiffigineqarsimasut kisimik narsaamanertap qeqqani takussaasaasimagamik.

Narsami Katersugaasiviup tamanna aaqqinniarlugu qinnuteqarsimavoq itsarnisarsiuullu misissueqqissaarnerisa kingorna aaqqissuussineq aallartissimallugu kiisalu qallunaatsiaqarfiusimasoq morsukkiartorfianit assallugu nuisanerusunngortinniarnera naammassilerpaat. Ujaqqat nunaminertallu assaanermeersut peerneqareerput.

Qallunaatsiaqarfiusimasup orninnissaa ajornannginnerulerportaaq ippiit, qunneqat ungalullu portusuut aqqusaaqqaartariaarummata. Aqqusineeqqamimim ujaraaqqanik qallersaakkamik aqquserniortoqarpoq.

Qallunaatsiaqarfiusimasup illorsuartaa 36 meterinik takissusilik kisiat aaqqissorniarlugu katersugaasiviup toqqarsimavaa. Landnamsgård pillugu paasissutissanik nutaanik ukioru suliarinnittoqassaaq, soorlu aamma qallunaatsiaqarfiusimasup eqqaani aappaagu aasartinnagu allagartaliisoqarniartoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat