Qallunaat imigassamik annertuumik atuinerat akisusarpoq

Imigassamik atuineq danskit kommuuniinut ukiumut 3,1 milliader koruuninik aningaasartuutaasartoq peqqissutsimut qullersaqarfiup misissuisitsineranit nutaajusumit paasineqarpoq.
Allattoq Jaaku Lyberth
januaarip 23-at 2012 08:08

Aningaasartuutigineqartut amerlanerusinnaapput, imigassamik atuineq pissutigalugu nakorsiarsimasut imaluunniit imigasssamik atuineq pissutigalugu katsorsartittut peqqissutsimut qullersaqarfiup naatsorsorsimasaat aallaavigineqarmata.

Imigassamik atornerluineq pissutaalluni suliffissaaruttoqarsinnaavoq, napparsimalersoqarsinnaalluni imaluunniit angajoqqaat imigassamik atornerliusuunerat pillugu meeraat allanut inissinneqartariaqartarnerannut aningaasaqartuuteqartoqartarmat.

Taamaattumik siusissukkut qanoq iliuuseqarnissaq pisariaqarpoq.
Imigassamik atornerluinerujussuup kingunerisartagaanut Danmarkimi kommuunit 20-t killissarititaasut sinnerlugit iliuuseqartalerput.
Soorlu meeqqat ornittagaanni Terslev Børnehus-imi Faksep Kommuneaniittuummi sulisut immikkut ittumik piumaffigineqarput.

Angajoqqaat meeqqat ornittagaannut meeqqaminnik aallertut imigassartorsimasut sulisunit naamaneqarsinnaappata, arlaleriarlutillu imigassartorsimasut naamaneqarpata, sulisunit oqaloqatigineqartassapput.

Meeqqat ornittagaanni perorsaasutut sulisup Kajta Rasmussenip iliuuseqartalersoq angajoqqaanit iluarineqartoq oqaatigaa. Iliuuserineqartalersoq tigulluarneqartarpoq, Katja Rasmussen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq