Qallunaat ikiuiniarnermut aningaasaliiuarput

Afrikamiunut Afrikas Hornimi, panernersuaqarfiusumi najugalinnut qallunaat aningaasaliiuarput. Nunamut tassunga, ajunaarnersuarmit nalaanneqartumut, qallunaat ikiuukkusuttut Røde Korsimut katillugit 375.000 koruuninik sapaatip-akunnerata ataatsip ingerlanerani tunisisimapput.
Allattoq Carla Davidsen
juulip 12-at 2011 14:24

Røde Korsip katersuiniartitsiniarnini qaqqaqqalaarutigisimanngikkaluaraa qallunaat aningaasanik tunisilluarsimaqaat. 750.000 koruunit Red Barnet-imiit nassiunneqareerput, aningaasanillu allanik maanna tassa nassitsisoqarpoq.

Afrikas Hornimi meeqqanut kaattunut navianartorsiortunullu katillugit 2 millionit koruunit Red Barnetip ikiueqqaarnermut atugassaminit akuersissutigineqareersunit nassiutissavai.

Meeqqat kaattut, inuiaqatigiillu ilungersoqisut nerisassanik imermillu Red Barnet-imit isumassorneqarput. Erngup 24 millionit literip, inunnut 70.000-inut naammattup, Somaliap kujasissuaniit qeqqaniillu nassiunneqarnissaa aamma qulakkeerneqareerpoq.

Afrikas Hornimi panernersuaqarnera ukiuni kingullerni qulini aatsaat taama ajortigaaq, inuillu 10 millioninit amerlanerit eqqorneqarsimasut Naalagaaffiit Peqatigiinniit nalilerneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq