Qallunaat aningaasatigut inatsisiliaat Martha Lund Olsenip iluarinngilaa
IA-kkormiullumi naammagittaalliummik Helle Thorning Schmidtimut Bjarne Corydon-imullu allagaqaasiorput, tassanilu Nunatsinni eqqartuussiveqarnerup iluarseriaqqinneqaqqinnissaanut qanoq iliuuseqartoqarniannginnera naammagittaalliutigineqarluni.
Naalakkersuisoq for justitsvæsen Martha Lund Olsen fra Siumut er heller ikke tilfreds med udspillet, og ser frem til at man ser forbedringer for det grønlandske justitsvæsen.
- Nunatsinni eqqartuussivinni suliassat 8.000-t missaaniittut qaleriiaatiinnaleqqapput. Tassa suliassat Danmarkimiittuppata agguaqatigiisillugu millionip affaassagaluarlutik. Pissutsit taamaanneri isiginngitsuusaaginnarsinnaanngilagut, tassami nunatsinni eqqortussaq massakkorpiaq qulakkeerneqarsinnaanngimmat ajorsiartuinnarlunilu, Martha Lund Olsen oqarpoq.
Pissutsimmi pillugit qallunaat inatisinik atuutsitsinissamut ministeriat Martha Lund Olsenip ataatsimeeqatigimmagu iluarsiiviginearniartut oqaatigineqarsimagaluarnerarpaa, sulili pisariaqavissumik pitsanngorsaanissamut atugassanik aningaasaliisoqarsimanani.
- Nunatsinni eqqartuussivinni suliassat qaleriiaatiinnaleqqasut aaqqiivigineqarnissaat pingaarteqaara. Taamaammallu nunatsinni inatsisinik atortitsinissamut tunngassutillit pitsanngorsaavigineqarasuarnissaat, tuaviornerpaamillu sulilluta iluarsiissutissanik siunnersuusiornissarput siunniussimaginga qularineqassanngilaq, Martha Lund Olsen taama nassuiaavoq.
