Qallunaaq tennissertartoq angusarissaartoq

Tennisserluni pissartanngorniunnermi US Openimi sapaatip akunnerini arlalinni unnamissutigineqartumi, Caroline Wozniacki, angusarissaarnerpaavoq.

Caroline Wozniacki, aningaasat eqqarsaatigalugit, unammillertiminut naleqqiulluni US Openimi ilungersornerussagunarpoq. Tennisserluni New Yorkimi ajugaasoq 1,6 millionit dollarinik nalinginnaasumik akissarsisarpoq.

Wozniacki ilimagineqartutut ajugaassagaluaruni katillugit 2,6 miilionit koruunit pissarsiarissavai - tassa 15 millionit koruunit sinnillit - tassami US Open Seriesinimi sallersanngorami 1 millionit dollarit akissarsiarereeramigit.

Caroline Wozniacki ajugaassappat, tennisertoqartalermalli aatsaat taama angitigisumik checkinnattoqassaaq.

New Yorkimi ajugaassaguni danskeq arnaq taanna nunarsuaq tamakkerlugu sallersanngussaaq.