Qallunaaq juulimaanngortinneqarpoq
Santa Claus of Greenland juulimaat nunarsuarmi tamaneersut kattuffigaat, 80-it 90-isillu akornanni ilaasortaqarluni - juulimaat Japanimeersut, USA-meersut Hollandimeersullu ilaatigut tassani ilaasortaallutik.
Juulimaaq Hinnerup-imeersoq, John Oehlenschlägerimik atilik, Dansk Julemandslaugimut ukiorpassuarni ilaasortaasimavoq. Santa Claus of Greenlandimit sianerfigineqarami taanna tupaallassimaqaaq.
- Nuannaartorujussuuvunga. Avammut siammarterineq soqutigisaraara, taamaammallu juulimaap oqariartuutaa siammartissallugu soqutigisaralugu. Ullutsinni pissutsit eqqarsaatigalugit nuannersunik toqqammaveqartariaqarpugut. Aamma pingaartippara Juullip Inua Kalaallit Nunaannersuusoq kikkunnut tamanut paasitissallugu, John Oehlenschläger oqarpoq.
Pisortatigoortumik julimaanngortinneqarnera Århusip eqqaani Vibycenterimi iluatsilluartumik pivoq.
Kattuffik Santa Claus of Greenland Kalaallit Nunaannut toqqaannartumik attuumassuteqanngilaq, Ole Lundsgaardip nammineq piumassutsimigut ingerlataralugu, taassuma aamma Dansk Julemands Laug aallartissimavaa.
