Qallunaaq Afghanistanimi ajunaarpoq
Afghanistanimi nunap immikkoortuani Helmandimi aqqusernup sinaani qaartartoq qaarmat, qallunaaq sakkutooq ajunaarpoq allalu aqqunartiterluni.
Allattoq Apollo Jeremiassen
Illoqarfiup Gershkip eqqaani nakkutilliivimmi Bridzarimi qaartartumeerineq pivoq. Sakkutuut taakku marluk immikkoortumit Charliemeersuupput, taakkulu Den Kongelige Livgardemeersuullutik, tassa kunngikkormiut sakkutuuineersuullutik.
Sakkutooq ajunnaartoq Korsørimeersuusoq ilaqutaalu nalunaarfigineqareersut, illersornissaqarfimmit nalunaarutigineqarpoq.
2002-miit qallunaat sakkutuut Afghanistanimi maannamut toqutaasut 37-nngorput.