Qalerallit 2013-imi tunineqartut amerlassusii anguneqartut
Naatsorsueqqissaarfiup kisitsisaataanni Ukiap ingerlanerani arlaleriarlugu takutinneqartarpoq, qalerallit tunineqartut piffissami tassani siornamut sanilliullugit ikinnerusut. Taamaakkaluartoq qaleralinniarneq ukiormanna ingerlalluarsimalluni.
Qaammatit siulliit aqqanillit ukiup siulianut sanilliullugit aamma ikinnerupput, ukiup siuliani aamma taama amerlatiginatik.
AAMMA ATUARUK Ukioq manna qaleralittassiissutit ilangaatsiarsui qaqinneqanngillat
Ukiormanna qaleralittassat tamakkerlugit aalisarneqanngillat. Qaleralittassat 28.000 tonsiusut 2/3-lii decembarip aqqarngata tungaanut taamaallaat aalisarneqarput.
Qaleralittassat 10.000 tonsit aqutsiveqarfinni pingasuni pisassaritinneqartut tamakkerlutik aalisarneqanngillat.
Aappaagumut qaleralittassiissutigineqartunut allannguutaassanngillat, aappaagumut qaleralittassat Naalakkersuisunit sapaatip akunnerani kingullermi aalajangersarneqarput.
Qaleralittassiissutigineqartut siorna pisassiissutigineqartut assigaat, tassalu Uummannami Upernavimmi Qeqertarsuullu tunuani qaleralittassiissutigineqartut biologit innersuussutaannit 8.000 tonsinit amerlanerusunik qaleralittassiisoqarluni.
