Naalakkersuisut qaleralittasseeqqissimanertik pillugu, Inatsisartuni inatsisit atortinneqarnerannut ataatsimiisitaliamut nassuiaateqartussanngorput- immaqalu aamma qaleralittassiisimaneq aallaqqaataaniit agguaateqqinneqartariaqassaaq. Taama Inuit Ataqatigiit sinnerlugit ilaasortaq Johan Lund Olsen isumaqarpoq.
Qaleralinnik agguaaqqissimanermi Johan Lund Olsen-ip eqqumiiginartoqartippaa, Sigguk A/S aammalu Nukik A/S aqqutigalugit Polar Seafood-i agguaasimanernut tamanut ilaatinneqarmat.
Qaleralittassiisimanermut tunngatillugu, Johan Lund Olsen-ip Naalakkersuisunut apeqqutit qulingiluat apeqquteqaatigai. Naalakkersuisut akissuteqareeraluartut, Johan Lund Olsen-ip isummersimanera allanngunngilaq.
- Apeqqutinnut akissutit naammaginartinngilakka, taamaammat inatsiartuni inatsisinik atuutsitsinermut ataatsimiisitaliamut ingerlateqqippara, paasiniarlugu ilumut inatsisit malinneqarsimanersut, Johan Lund Olsen oqarpoq, nangllunilu: - Inatsisinik atuutsitsinermut ataatsimiisitaliap Naalakkersuisut aggersarsinnaavai, inatsisillu eqqortumik atorneqarsimanersut misissorlugit. Amerlanerussuteqartut isumaqarpata uniuisoqasimasoq, taava nutaamik qaleralinnik agguaassisoqartariaqassaaq, IA sinnerlugu Naalakkersuisoq naggasiivoq.