Qaleralittassat 500 tonsinik ilaneqaqqipput
Naalakkkersuisut akuersissuteqarnermi piumasaqaatigaat qalerallit 500 tonsit ningittakkat atorlugit pisarineqarnissaat, qassutit atornagit.
Qaffasippallaamik pisasseeqqittarnissat tunuarsimaarfiginiarlugit aalisarnermut naalakkersuisoq Ane Hansen oqarpoq.
Annertugisassaanngitsumik pisassiissuteqaqqinneq illersorneqarsinnaavoq aalisarnerup piujuartitsinermik tunngaveqarnissaa qulakkeertussaagatsigu, Aalisarnermut Naalakkersuisoq Ane Hansen oqarpoq. Upernaviup eqqaani misissuinerit suli amerlanerusut pisariaqartinneqarput aamma aalisartut suli pitsaanerujussuarmik nalunaarsuisarnissaat pisariaqartinneqartoq, Ane Hansen erseqqissaavoq.
Pisisartut piumasaqaataannut qaffakkaluttuinnartunut malinnaasinnasoqassappat aalisartut akisussaaqataanermik takutitsisariaqarput aalisarnermit nalunaarsuutinik pitsaanerusunik tunniussaqartarnermikkut, Aalisarnermut, Piniarnermut Nunalerinermullu Naalakkersuisoq Ane Hansen oqarpoq.
Qalerallit 500 tonsit akuersissutigineqarneranut atatillugu aalisarnermi nakkutilliinerup annertusinissaa, tamatumalu Kalaallit Nunaata kitaani qaleralinniarnermi aqutsinermi pilersaarusiornermi ilanngunneqarnissaa aalajangiunneqarpoq, pilersaarut taana 2012-imiit atuutitinneqalernissaa naatsorsuutigineqarpoq.