Qaleralinniaqqissinnaanngorput
Umiatsiaararsorluni qaleralinniarneq Qeqertarsuup tunuani aamma Upernavimmi decembarip aallaqqaataani ammaqqissaaq. Uummannarmiut umiatsiaararsortunut ukiormanna pisassanik tamakkereerpaat. Angalatilli anginerit suli pisassaqarput.
Allattoq Noah Mølgaard
novembarip 28-at 2012 07:16
Qeqertarsuup tunuani umiatsiaararsortut 42 tonsinik suli qaleralittassaqarput Upernavimmiut umiatsiaararsortut suli 53 tonsinik pisassaqartut. Aalisarnermut, piniarnermut nunalerinermullu pisortaqarfik taama nalunaarpoq.
Qeqertarsuup tunuani Upernavimmilu umiatsiaararsortut ningittakkat qassutilluunniit arfininngorpat decembarip aallaqqaataani ningissinnaanngussavaat. Uummannami umiatsiaararsortut ukiormannamut pisassatik 7 tonsimik sipporeermatigit tassani umiatsiaararsorluni qaleralinniarneq ukiup sinnera ammaqqissanngilaq.
Angallatinulli 6 meterimit anginernut suli pisassaqarpoq. Ukiup sinneranut Qeqertarsuup tunuani pisassat suli 501 tonsiupput, Uummannami 261 tonsiullutikk kiisalu Upernavimmi 197 tonsiullutik.
