Qalasersuup imaataani uumasutuaq nassaaraat
Qituperaq taanna russit umiatsiaaraannit aqqartartumit Issittup imartaani 4,2 kilometerinik ititigisumi ukiut marluk matuma siorna filmiliarineqarpoq, atuagassiamilu Polar Biologymi nutaamik maanna ilanngutassiarineqarluni, ilisaritinneqarporlu tassaasoq Qalasersuarmi uumasuni naasuniluunniit maannamut nassaarineqartutuaq.
Aviisimi Berlingske Tidendemi tamanna allaaserineqarpoq.
Qitupeqqat, amerlavallaartorsuukkuutaarnatik uumasuusartut, taamaattoqataat allat ilisimaneqanngitsut, ilaatigullu aamma raajat, peqatigigaat aqqartartunit MIR-1-mit MIR-2-millu filmiliarineqarput, russit erfalasuat, Qalasersuup imartaata naqqanut taamani ikkunneqarmat.
Ilisimatuut ilisimatusartullu Ruslandimi suliffeqarfiata qituperaq ilisimaneqareersutut atserpaat: Bathyphellia Margaritacea. Taakku ilisimatitsissutigaat, qituperaq nassaarineqartoq tassaagunartoq, uumasuni taakkunani kisiartaalluni Qalasersuarmi siaruaassinnaasoq.
