Qalasersuarmi issangiarnialerunartoq
![](/sites/default/files/styles/image_934x467/public/article_images/nordpolen3_08.jpg?itok=3rpgz1Fq)
Qalasersuarmi sisamanngornermi issangialernissaa qanittuararsuuvoq.
Qalasersuup nalaani silaannaap kiassusia ullaap tungaani nalunaaqutaq arfineq-pingasunngulersoq minus 4-raavoq, Norgemi Silasiorfik taama ilisimatitsivoq.
Ukiup taamaalinerani 30-nik issittaraluarpoq.
Qalasersuarmi silasiorfeqanngilaq, Svalbardilli avannaatungaani - Qalasersuup tungaanut - inissisimasumik puttaquteqarpoq kisaasersorsimasumik, taassumalu kiassiutaata marlunnik kiattoq takutippaa.
Ukioq 2016 silaannaap kiassusianik uuttortaasoqartalermalli aatsaat taama kiatsigivoq. Tamannalu inuup pilersitaanik gassinik aniatitsisoqarneranik kiisalu Manerassuarmi El Niñoqarneranik pissuteqarpoq.
- Kalaallit Nunaata Spitsbergenillu (Svalbard) akornanni naqitsiniisaffeqarpoq sakkortuumik, norgemiu silasiortoq Justyna Wodzicko taama oqarpoq.
Silaannarlu nerumittoq avannamut ingerlaarnerarpaa.
Sikoorpiannginnera pissutigalugu silap taamatut kissatsipilooriasaartarnera akukillingaluttuinnarpoq. Aamma imaq kianneruvoq, Københavnimi Danmarkip Silasiorfianeersoq Jesper Eriksen oqarpoq.
Issittup imartaata sikua aamma ukioq manna aatsaat taama annikitsigisoq, amerikami National Snow and Ice Centerip marlunngormat uuttortaanerata kingorna paasinarsivoq.
/ritzau/Reuters