Qalasersuaq 2030-imi sikuerutereersimasinnaavoq
Siku qalasersuup eqqaaniittoq aasap ingerlanerani annertooq aakkiartorpoq, amerikamiut ilisimatuut qalasersuup sikuanik uuttortaasimasut tamatut oqarput.
Qalalersuarmi siku 4,76 kvadratkilometerinik annertussuseqartoq, sapaatip akunnerani kingullermi uuttortarneqarmat paasineqarpoq, Coloradomi universitet-i ukiumoortumik nalunaaruteqarnermini taamatut allaaserisaqarpoq.
Qalalersuarmi sikup annertussusiata qaammataasat atorlugit uttortarneqartarnerat pingajussaa ingerlanneqarpoq, ukiullu sisamat kingulliit uuttortarneqartarneranni, sikup annertussusia fem millioner kvadrat kilometerinik annikinnerusartoq, nalunaarusiami allaassimasoq, Ritzau tamaatut allaaserisaqarpoq.
Qalasersuup eqqaaniittoq siku ullummikkutut taamatut sukkatigisiumik aakkiartussaguni, qalasersuarmi ukioq 2030-imi ukiarsariartulernerani sikuerussimassasoq ilisimatuut siulittuipput.
- Ilimagaarput ukioq 2030-imi septemberip ulluisa aallaqqaataani qalasersuarmi imaq tungutsoriinnaasoq, siku ullumikkutut sukkatigisumik aakkiartussappat, Coloradop universitetiani sermeq aputillu pillugit ilisimasaqarfimmi pisortaq Mark Serreze oqarpoq.
