Nukissiorfiit Qalaasseqqusinermik atuukkunnaarsitseqqinneq

Eqalugaarsunni imermik qalaasseqqaarnissamik inassuteqarneq unitsinneqarpoq. Qalaasseqqaarnissamut inassuteqarnerit unitsinneqartut piffissap sivikitsuinnaap ingerlanerani pivoq, Nukissiorfiit taama allaaserisaqarput.
Eqalugaarsuit Assi © : enda abelsen
Allattoq Karsten Sommer
decembarip 18-at 2018 16:54
Nutserisoq Marie Kûitse Kristensen

Qaammatit arlaqanngitsut ingerlaneranni Qassiarsunni qalatsitseqqusineq unitsinneqarpoq  taassuma kingorna Sarfannguani Kangaatsiarlu aamma qalatsitseqqusiunnaarfiupput. Imermit misissuinerit kingulliit takutippaa imermik qalaasseqqaarnissamik Eqalugaarsunni inassuteqaat 2016-imili atuussimasoq.

- Ajunngitsumik ingerlavugut aamma ungasinngitsukkut qangali qalaasseqqaarnissamik inassuteqaatit tamaasa atorunnaarsissinnaassavagut. Eqalugaarsuit tassaapput pitsaasumik aamma ilungersorluni sulissuteqarnerup inernera pitsaasoq, nunaqarfinni imeqarfitsinnik pitsanngorsaanikkut, Mogens Nielsen teknikkeqarnermut pisortaq oqaluttuarpoq.

- Ilungersorluta sulivugut imermik qalaasseqqaarnissamik inassuteqaatit sinneruttut marluk unitsinneqarnissaannut. Tassalu nunaqarfimmi Isortumi aamma Ammassivimmi. Siunniunneqarpoq ukiup nutaap allartinnerani taassuma taakkunani unitsinneqarnissaa, Mogens Nielsen oqarpoq.

AAMMA ATUARUK Qassiarsummi imermik qalatsitseqqaaqqusineq ukiut tallimanngullartullu atorunnaartoq

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq