Nuummi Sissiugaq juulip ulluisa 13-ianniit ippassaq 19-iat tikillugu Qaannamik pissartanngorniuffiuvoq. Ullut ilaanni anorlingaatsiartaraluartoq silagissimaqaaq, qaannamillu pissartanngorniuttut ussanneqarluarsimapput.
Pissartanngorniunnermi qajartortartut 85-it nunanit arlalinneersut peqataapput. Kinngusaqattaarnerit, saaqqusersornerit, allunaariaqatatarnerit, naatsunut- takisuunullu parrunnerit aamma iligiikkaarluni parrunnerit ingerlanneqarput.
Kalaallit qajartortartut saniatigut USA-miit pingasut, Danmarkimiit marluk Spaniamiillu ataaseq Nunatsinni pissartanngorniunnermi peqataapput.