Qajartortartut isorartuumut parrunnerat aallartiinnaqaaq
Unammiffiit ilungersunartut tallimat qajartortartut ulluni tulliuttuni aqqutigissavaat, nunaqarfiillu sisamat aqqusaassallugit, tassaasut Ikerasaarsuk, Attu, Iginniarfik aamma Niaqornaarsuk, naggataatigullu ullumikkut aallarfimminnut Kangaatsiamut arfininngorpat utissapput.
Maannamut qajartortartut arfinillit peqataaniarlutik nalunaareerput, aallarnissarli tikillugu nalunaartoqarsinnaavoq, tassami piffissaq kingullerpaaq atorlugu nalunaartoqartaannartoq, aaqqissuisunit Sakarias Siegstad Kangaatsiamiit oqarpoq.
Qajartortartut nunaqarfinnut aqqusaaraangata aliikkusersuisoqartassaaq. Erinarsoqatigiinnik erinarsortoqartassalluni, nipilersortartunik nipilersortoqartassalluni, kiisalu Kaalisaaq, quiasaarisartumit Rassi Thygesenimit inuttaaffigineqartoq, parruttut Niaqornaarsummut tallimanngorpat aqqusaarpata tikilluaqqusiumaarpoq.
Ole Brandtip atuakkiaani, Qooqami, inuttaasoq pingaarneq atsiullugu takisuumut parrunnermut atsiunneqarsimavoq.