Qaatsiartaat singissinnaanngikkallarpaat
KNI-p qaatsiartaataa KNI-mut suli ajornartorsiortitsivoq. Qaatsiartaatip motooriani pakningit taarsertariaqalersimammata qaatsiartaat Uummannami nunamut qaqinneqarpoq, sulilu singinneqarsinnaanngikkallarluni.
- Kranersuup singitsisinnaasutuap matuersaataanik tigummiartoq Ilulissiarsimammat matuersaat nassarlugu singitsisinnaanngikkallarpugut, KNI-p pisortaa Gerhardt Petersen AG-mut ullumi saqqummersumut oqarpoq.
Qaatsiartaatip ingerlaqqilernissaata tungaanut ilaasut nunaqarfinneersut umiatsiamik Targamik helikopterimillu ingerlanneqartarput.
- Matuersaatip qaqugu tigusinnaanera massakkut misissorparput, pingasunngornerup ualiani Gerhardt Petersen AG-mut oqarpoq.