Qaasuitsup Kommuniata kommunaldirektørini soraarsinniarpalukkaa
Kommunalbestyrelsimut ilaasortat marluk, immikkoorlutik, KNR-imut uppernarsarpaat soraarsitsinissaq piffissami sivisuumi isumaliutigineqarsimasoq.
Tusarfipput alla oqaluttuarpoq Lars Sandgreen suliunnaareersimasoq, tamannali sumik peqquteqarnersoq suliniunnaarsitaasimanersorluunniit oqaatigiumanagu.
Kommunalbestyrelsi pisortanik pisortatigoortumik atorfinitsisuullunilu soraarsitsisarmat, kommunalbestyrelsip immikkut ittumik ataatsimiinnissaanut aggersaasoqaqqaassaaq. Tamannalu sapaatit-akunnerani uani pissasoq ilimagineqarpoq.
AAMMA ATUARUK Oqartussaaqataanerusinnaaneq paamaarunneqartoq
Borgmester Ole Dorph ullup qeqqata sioqqutilaaraa pissarsiaraarput, taassumalu inunnut ataasiakkaanut tunngasut oqaaseqarfigerusunngilai.
Ilisimatitsissutigaali, Hans Eriksen Qaasuitsup Kommuniani utaqqisaagallartumik pisortaanertut ullumikkumit atorfinitsinneqartoq.
Kommunalbestyrelsi sapaatit-akunnerani uani immikkut ittumik ataatsimiisinneqassanersut Ole Dorphip uppernarsarumanngilaa.
Siumup kommunalbestyrelsimi ilaasortaatitai, Qaasuitsup Kommuniani amerlanerussuteqartuusut, ualeru nalunaaqutaq pingasunut ataatsimiissapput.
Hans Eriksen meeqqanut, kulturimut sunngiffimmullu ingerlatsivimmi pisortatut atorfeqaraluarpoq.