Qaasuitsup Kommunianik ateqalerpoq
Avannaata Kommunia, tassa Kangaatsiamiit Qaanaamut, ”Qaasuitsup Kommunia”-nik ateqalerpoq. Innuttaasut katillugit 18.000-iussapput. Sermitsiap nittartagaani tamanna atuarneqarsinnaavoq.
Allattoq Louise M. Kleemann
aggustip 12-at 2008 07:10
”Qaasuitsup Kommunia”-nik atserneqarnissaanut siunnersuuteqartut qulingiluaasimapput, akissarsiassallu 12.000 koruunit taakku agguassavaat. Kommunip ilisarnaatissaa Ikaarsaariarnermut ataatsimiititaliap aamma isumaqatigiissutigaa, titartaasuuvoq Kristian Fly Ilulissaneersoq. Ilisarnaatip assiliartarai qamutit, arsarnerit, aput, qaammat seqinerlu.
