Assi: KNR

Tassaarsuaq: Qaasuitsup Kommuniani sulisut uippakajaalersimasut

Suliassat takkuttut piareersimaffigisimanngisat angeqisut sulisunut ukiup affaata ingerlanerani uippakajaalersitsisimasut, kommuni oqarpoq. Taamaakkaluartoq sulineq pitsaasumik naammassisaqarfiusoq, kommuni naliliivoq.

Nuugaatsiaq Illorsuillu tassaarsuarmit juunip 17-ani eqqugaammata inui 174-it qimagutitinneqarput. Piaartumillu ikiorneqarnissaat kommunip Namminersorlutillu Oqartussat suliassarilerpaat.

Suliaq imaannaanngissimaqisoq, Qaasuitsup Kommuniani inuussutissarsiornermut pisortaq oqarpoq.

AAMMA ATUARUK Sulisut 22-t nuunneqassapput

AAMMA ATUARUK Qimarnutitsineq ima ingerlanneqarpoq

Karrani tassaarsuaq: Maanna susoqarpa?
Juunip 17-ani ajunaarnersuaq nunatta oqaluttuarisaanerani annersaraat.

 

KNR tassaarsuarmit eqqugaasut oqaloqatigiartorlugit novembarip qaammataani Uummannamiitsivoq.

 

Pisut oqaluttuarineri KNR-imi ulluni aggersuni malinnaavigikkit.

- Suliassaq annertoorujussuaq kivitassaasimavoq, Hans Peter Lennert oqarpoq.

Sulisut ilungersunartorsiorsimaqimmata ilaat uippakajaalersimasut, Qaasuitsup Kommuniata Uummannami aqutsisoqarfiani pisortap, Makkak Markussenip, maluginiarsimavaa.

 

Qaasuitsup Kommuniani inuussutissarsiornermut pisortaq Hans Peter Lennert. 

 

- Taanna assorujussuaq uagutsinnut nanertuutinnguleraluarsimavoq, ingammik suleqatitta ilaat napparsimalerlutik sulinngiffeqartariaqalersimallutik nakorsap allagaqarneratigut.

Aqutsisoqarfimmi pisortaq qimagutitinneqartullu inissititerneqarallarnissaanik ataqatigiissaarisoq, Makkak Markussen, taama oqarpoq, nangillunilu:

- Aamma aporfissaqartualaaginnartaratta, soorlu pequtinut tunngatillugu, avataaninngaanniit tikisitassat ilaanni piffissaq eqqorlugu tikinngitsoortut. Haajjaarnartarluni, naammassilersoriniarluni kisiannili aporfeeraqartuaannarluni.

Suli suliassaqarput

Kommunip nunaqarfimmiut qimagutitinneqartut 100-nit amerlanerusut inissikkallarnissaasa saniatigut Qaasuitsup marlunnut avinneqarnissaa ilungersuutigalugu aamma naammassiniarsaraa. 

Uummannamili sulerulussimagaluarlutik killiffitsik naammagisimaarpaat.

 

Qaasuitsup Kommuniata Uummannami aqutsisoqarfiani pisortaq, Makkak Markussen.

 

- Isumaqarpunga ajunngitsorujummik naammassissallutigu naammassilerlutigulu, Makkak Markussen oqarpoq.

Ajunaarnersuaqariataaqqissappat suleriaasissamik malitassaqalerput:

- Misilittakkat ilinniutigisimaqaagut. Siunissami arlaatigut, isaasalerlugu, sakkussanik aallerfittut oqaatigineqarsinnaavoq, Qaasuitsup Kommuniani inuussutissarsiornermut pisortaq Hans Peter Lennert oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat