Qaasuitsup Kommunia sukannersumik nakkutigisaalerpoq
Qaasuitsup Kommunia Naamminersorlutik Oqartussanit sukannersumik nakkutigineqalerpoq. Kommunerujussuanngortitsinermi 2009-imi Qaasuitsup Kommunia akiliutigeriaannagassatut aningaasat 60 millionit koruunit atukkiussat taarserneq ajulermatigik.
Isumaqatigiissut naapertorlugu taarsigassat akilerneqartussaagaluarput. Aningaasarliorneq pissutigalugu Kommunip Namminersorlutik Oqartussani Aningaasaqarnermut Naalakkersuisoqarfik aningaasat atukkiunneqartut akilersornissaat kinguartikkumallugu isumaqatigiissuteqarfigisimavaa.
Aamma atuaruk Qaasuitsup Kommuniani aningaasatigut aaqqitassat arlaqartut
Aningaasaqarnermut Naalakkersuisoq Andreas Uldum Isumaqatigiissummut atatillugu isumaqarpoq, kommune akornusersorneqarani suli aningaasanik atuisinnaatitaasoq - Isumaqatigiissummi killiliussat malinnerisigut - aningaasaqarnertik nammineq aalajangiiffigissavaat.
Kommunip sukannersumik nakkutigineqalernera borgmesterip Ole Dorphip ilungersunartuunerarpaa.
- Uani pineqartumi erseqqissarusuppara, pineqartumut atatillugu aviisini "naatsorsuutit tukattorujussuunerarneqarnerat" eqqunngimmat, Ole Dorph erseqqissaavoq.
Aamma atuaruk Qaasuitsup Kommuniani kukkusumik ilaatigut akissarsisitsisoqartarsimavoq
Isumaqatigiissuteqarnikkut akiitsut ikilisinnissaanut kommuni piffissaqarnerulissasoq, kommunalbestyrelsellu maannakkut qineqqusaarnerannut annikillisaanissamik periarfissat ujartorneqassapput, tamannalu naaperlugu Kommuni sukannersumik nakkutigineqartoq, aningaasaqarnermut naalakkersuisoqarfimmiit tusagassiuutinut nalunaarput.