Qaasuitsup Kommunia nutaamik nittartagartaarpoq
Pisut assigiinngitsut nittartagaq aqqutigalugu oqaluttuarineqarput. Aamma nittartagaq aqqutigalugu innuttaasut kommunimut attaveqarneq eqqarsaatigalugu kiffartuunneqarsinnaalerput.
Nittartakkap atulerneranut atatillugu kommunip isorartuup ataatsimoorfiusinnaasumik pisariaqartitsinera tikkuarpaa:
- Nuannaarutigaara nittartagaq illoqarfiit akimorlugit innuttaasut ataatsimoorfigisinnaasaat saqqummersissinnaaleratsigu. Tassami kommuni isorartooq najugaqarfigaarput, neriuutigaaralu tassani innuttaasut nittartagaq aamma katersuuffittut atorumaaraat.
Kommunimili inoqutigiinni katillutik 7.000-iusuni taamaallaat inoqutigiit 2.000-it Internettimik atuisutut nalunaarsorsimapput.
Taamaattumillu kommunip allaffianut qangatulli saaffiginnilluni siunnersorneqarlunilu ilitsersorneqarneq soorunami atuutiinnassaaq, Qaasuitsup Kommunia erseqqissaavoq.
Kommunip innuttai 18.000-it missaanniittut Avannaani Siorapalummiit Kujataani Attumi najugaqarput.