Qaasuitsup kommuneata avinneqarnissaa isumaqatigiinngissutaavoq

Siumut sinnnerlugu kommunalbestyrelse-mut qinigassanngortittup Palle Jerimiassen-ip siunnersuutigaa Qaasuitsup kommunia pingasunngorlugu avinneqassasoq.

Siumut sinnerlugu qinigassanngortittup allap kommunip avinneqarnissaa isumaqatiginngilaa.

Nalilersuisoqaqqaartariarpoq innuttaasullu tusarniarneqartariaqarput, IA Demokraatillu isumaqarput.

Kommune avinneqarpat tamana ajortunik kinguneqarsinnaavoq kommunit pillugit ilisimatooq nunatsinnilu kommunit 2009-imi kattussuunneqarmata nunatsinniittoq oqarpoq.

Nunarsuatsinni kommunit isortunersaat 661.000 km2isut angitigisoq 17.700illu missaannik innuttaqartoq pingasunut avinneqartariaqarpoq, Siumut sinnerlugu qinigassanngortittup Palle Jerimiassen-ip siunnnersuutigaa.

Tamakkua pitinnagit innutaasut tusarniarneqartariaqarput qulaajaasoqarlunilu,  kommunalbestyrelse-nngortussallu aalajangissavaat kommunit killeqarfiisa allanngortinneqarsinnnaanerinut  nalilersuisoqarnissaq pisariaqarnersoq , Demrokaatit siinerlugit qinigassanngortittoq Ane Lone Bagger oqarpoq.

Qaasuitsup kommunea maannakkutut itsilluni iluaqutissartaqarpoq

- Aalisartoqarfissuuvugut, takornariaqarfissuuvugut , aatsitassanik piianissamut avatitsinilu ikummatissanik qalluinissamut periarfissarpassuaqarpoq, aamma Nuussuarmi aamaarutissanik piiarneqarsinnaasunik misisuisoqarpoq taanna imminut akilersinnaanersoq misissorneqarluni, taamaatumik Qaasuitsup kommune-ani nakuussuteqarpugut tunniussassaqarlutalu, Ane Lone Bagger oqarpqo.

Palle Jerimiassen isumaqarpoq innutaasut sumiiffimminni atukkatik pillugit aalajangiisarusuttut avataanit aqunneqartik akuererusunnnagu.  Taamaattumik komunit pingasunut avinneqarnissaat sinnersuutigaa. Illoqarfiit Kangaatsiaq Aasiaat aammma Qeqertarsuaq immikkut kommuninngussasoq. Ilulissat aamma Qasigiannguit kattullugit kommune ataasinngussasut, kiisalu Uummannamiit avannamut Qaanaamut kommune ataasinngortinneqartariaqartoq. Qaasuitsup kommuneata isorartunerussua pissutigalugu innutaasut oqariartuutaat tusaaniarneqanngippallaartut, qinigassanngortittut ilaasa oqaatigaat.  Qaasuitsup kommuneani illoqarfiit tamarmik kommunalbestyrelse-mi sinniisuutiteqarput soorunalimi qanimut oqartussaaqataaneq tammalaarsimavoq Ane Lone Bagger oqarpoq tamassumali qaangerneqarnissaa suliniutiginerpoq sumiiffinni siunnersuisoqatigiinnik pilersitsinissamik suliuniuteqartoqarmata, Ane Lone Bagger oqarpoq.

Nunamut namminermut naalakkkersuisunut ilaasortaasimasoq Anthon Frederiksen najukkani oqartussaaqataaneq pillugu ataatsimeersuartoqarnerani siorna oqalugiarnermini ilaatigut naalakkersuisut oqartiartuutaat imaatut saqummippaa issuaaneq aallartippoq:  

Kommunit kattussuunneqarneranni tunngaviusumik siunertarineqartut ilagaat kommunini aqutsisoqarfiit anginerusut sunniuteqarluarnerusinnaasullu pilersinneqarnissaa, taamaasilluni pisariillisaasoqarneratigut iluaquteqarsinnaanissaq. Innuttaasut qinigaanik amerlanerusunik pilersitsineq sipaaruteqarfiunani aningaasartuuteqarnerunermik kinguneqaannassaaq! issuaaneq naavoq.

Kommuunit ingerlanneqarnerinut ilisimatooq Ulrik Kjær Syddansk Universitet-imit atorfilik nunatsinni kommuunit kattussuummata 2009-imi nunatsiniippoq taanna oqaluttuarpoq    Skandinaviami kommuunit kattussuutsineqarmata  qanga kommuuniusimasunut uteqqittoqarsinnaanngitsutut takorloorneqarsimasoq.

- Kommunit avinneqarpata  qinikkat innutaasunit  politikerinillu allanit saassuneqarnissaritk naatsorsuutigisariaqassavaat. Politikerit alaajangiiffiginikuusatik allangortikkunikku  taava tullissaanik pingaartilinnik  aalajanginissaannut pissusissamisoortuunngitsunik aalajangiisimanerannik pisuutinneqassapput, Ulrik Kjær oqarpoq nangillunilu eqqaamasariaqarparput  kommuunit kattussuunneqarnerannut  pingaarnerpaatinneqarmat, kommuneni suliat nukittorsarniarneqarmata, komuunit anginerulerpata suliat ajunnginerusunik suliarineqartalissammata Ulrik Kjær  oqarpoq.

Kommunit aaqqissuunneqarnerat allanngortinneqassappat tamanna  akornutissartaqassasoq Ulrik Kjær isumaqarpoq, tassami kommuunit katussuunneqarneranni aqqut imaannaanngitsoq aqqusaarneqarmat.

Qaasuitsup kommuneata avinneqarnissaanut partii Siumumut qinigassanngortittut isumaqatigiinngillat.

Qaasuitsup borgmesteriata Jess Svane-p kommunip avinneqarnissaa qularnartoqartippaa

Bernhardt Olsen Siumut tusagassiuutinut nalunaaruteqarluni ullumi allappoq, kommune maannakkutut ittoq attatiinnarneqassasoq.

Qaasuitsup kommunean-ni aningaasat ukiumut kaaviaartinneqartartut 1 millard koruunit sinnilaarppaat.  Kommune avinneqassappat tamanna akisunaarneqassaaq,  tassami kommunit nutaat pilersinneqarpata kommunaldirektør-inik immikkoortartaqarfiillu pisortaanissaannik atorfinititsisoqartariaqassaaq aammalu borgemeserit akissarsiassaat aamma ilanngullugit, Ane Lone Bagger oqarpoq.