Qaarusummi sulisut qaqinneqarnissaat qallivoq

Annaassiniarnermi ministeri akisussaasoq isumaqarpoq, qaarusummi sulisut ullut marluk/-pingasut qaangiuppata anisinnaassasut.

- Imaassinnaavoq ullut arfineq pingasut/-qulilluunniit qaangiuppata, kisianni nalunarpoq, ministeri oqarpoq.

Kanngussassiorfik aggustip aallartisimalernerani nakkaammalli qaarusummi sulisut taakku qaammatini marlunni mattussaaqqapput.

Annaassiniartut qillerigamik 58 centimeterimik putuliorsimapput, inuullu ataatsip qaqinniarnera nalunaaquttap akunnerata affaata missaanik sivisussuseqartassaaq. Mattussaaqqasut 33-t annaanniarnerat taamaalilluni ulloq unnuarlu sinnerlugu ingerlanneqassaaq. Angutit tamarmik ilaquttatik ernumasimaqisut taamaalillutik takoqqittussanngussavaat.

Qaarusummi sulisut qaammatini marlussunni mattussaaqqasimagaluarlutik suli sapeeqisut, Chilimi peqqinnissamut ministeri oqarpoq.

- Uatsinnilluunniit, ernumasimaqisunit ajuusaaqisunillu, eqqissisimanerupput, ministeri oqarpoq.