Qaarusummi sulinermik pikkorissarnerit soqutigineqaqaat
Aatsitassarsiornermi suliat amerliartortut sulisussaqarniarnikkut ikorfartorniarlugit naalakkersuisut qanoq iliuuseqalersaarnersut, inatsisartunut ilaasortap, Attaviitsup, Marie Fleischerip Inatsisartut suleriaasiat naapertorlugu paragraf 36-i naapertorlugu apeqquteqaatigaa, Inuussutissarsiornermut, Sulisoqarnermullu Naalakkersuisumit Siverth K. Heilmannimit akineqarluni.
Taanna allappoq ilinniagaqarnermut pilersaarusiorneq ukioq manna ingerlallualeruttortoq, aatsitassarsiornermilu ilinniagaqarnerit aaqqissuunneqarneranni tunngaviusumik sammisassaq sapaatip-akunneri 16-it missaannik sivisussuseqartussatut naatsorsuussaq qitiussalluni.
Pissarsiorfik Sisimiuni Piareersarfimmi inissinneqartoq ilinniarfittut qitiussaaq, pikkorissartinneqartussanik pissarsiortutut, pikkorissartunillu attassinissaq Pissarsiorfimmit aamma isumagineqassalluni.
Aatsitassarsiorfimmit sinniisoqarfiusumik sammisanut tunngasunik ataatsimiititaliaq pilersinneqarpoq.
Aatsitassarsiorfimmik immikkoortortaqarfimmi ilinniagaqartitsinermik suliniutinut akiumoortumik 20 millioni koruunit missaannik 2009 aallartiffigalugu aningaasaliisoqartoq, Siverth K. Heilmannip akissutaani atuarneqarsinnaavoq.