Qaartartumeerinikkut sussuteqanngitsut toqutaasut
Toqunneqartut tassaapput aqqusinniortut Afghanistanimiut aqqaneq-marluk, kukkunikkut qaartartumeersoqarneratigut toqunneqartut. Taakku nunap immikkoortortaata Nuristanip avannarpasissortaaniitsillutik toqunneqarput.
Allattoq Mads Lynge
Afghanistanimi aqqusinniortut aqqaneq marluk Nunat Killiit Illersoqatigiiffiata, NATO-p timmisartuutaanit kukkunikkut toqunneqarsimapput.
Nunap immikkoortortaata Nuristanip avannamut-kangiani guvernøri taamatut nalunaarpoq. Guvernøri aamma nalunaarpoq tamaani talebaneqartoq tusarsimagamikku NATO-meersut saassussisimasut. Aqqusinniortut aqqaneq marluk sussuteqanngitsut tupermiitillutik qaartartumik eqqorneqarsimapput.