Qaartartumeeriniartuusaarnini akisunaaraa

Angut 30-nik ukiullip, siorna kunngissakkut timmisartumut ilaaffissaannut ilaalerluni, qaartartumeeriniartuusaarluni quiasaarnini akisunaarpaa.
Allattoq Apollo Jeremiassen
februaarip 05-at 2010 08:19

- Qaartartoq nassatara qujanartoq nassaarineqanngimmat. Timmisartoqafinni aallariartornermi taamatut quiasaaraluni oqarneq akisuukasiusinnaavoq, ingammik danskit kunngissaata nuliatalu aallalernerisa nalaani taamatut quiasaaraluni oqarsimagaanni.

Kunngissakkut ilaaffissannut timmisartumut ikilerluni,siorna marsimi, angutip quiasaaraluni taamatut oqarnini eqqartuunneqaatigereerlugu, ulluni 30-ni pineqaatissinneqarpoq. Danskit aviisiisa ilaat Ekstrabladet taama allappoq.

Angutip quiasaarinermi kingorna 43.000 koruuninik aamma 1.000 dollarinik politiinit akiliisinneqarpoq.

Inuit qanittuaniit timmisartoq illuartinneqarpoq misissorneqarlunilu. Aallarnissarlu kinguartinneqarluni.

Chicagomut mereernerminni kunngissaq Frederik oqarpoq, ulorianartorsiortinneqarlutik misigisimanatik, aammalu uippallersimanatik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq