Qaartartumeeriniaq sorsunnermi eqqugaasunut ilaavoq
Qulinik ukioqarluni qaartartumik nunamut matoorussamik qaartoorluni niuiarmat arnaq Norgemiuusoq ikiueqataasoq oqaluttuarpoq:
- Lors eqqaamalluarpara, nukappiaraavoq inequnartoq, arnaq Norgemiuusoq oqarpoq.
Tjetjeniap pingaarnertut illoqarfiani napparsimmavimmi nr. 9-mi naapeqqaarpaa, taamani qulinik ukioqarluni qaartartoq angajoqqaami naatsiivianni matoorussaq tummarlugu qaartoorsimavoq aqqunartitersimaqalunilu.
Isigaa talerpilleq kipineqartariaqarsimavoq saamerlerlumi aamma suliaritittariaqarsimavaa.
Lors napparsimavimmi anaanami nakorsatut suliffigisaani sapaatit akunnerini marlunni uninngavoq.
Ikilernermi kingorna ukioq qaangiutinngitsoq niuusartaareerluni meeqqat eqqugaasut allat peqatigalugit peqqissarlutik, ikiuniaqatigiit Ruslandimi meeqqanut aningaasaateqarfimmi akiliisoralugit, sapaatit akunnerini pingasuni Norgemiipput.
