Qaartartumeerinernik videoliat Ranap tigummisimavai

Aviisimik Jyllandspostenimik Danmarkimiittumik qaartartumeeriniarsimasutut USA-mi naalagaaffiup isertortumik paasiniaasartuinit, FBI-imit, maanna tigummineqartup, Tahawwur Hussein Ranap, peqqarniisaarniat al-Qaedakkut Danmarkip Pakistanimi aallartitaqarfianik qaartartumeerinerannik videoliaat inigisamini pigisimavaa. FBI taama nalunaaruteqarpoq.
Allattoq Mads Lynge
novembarip 07-at 2009 14:37

Danmarkip Pakistanimi aallartitaqarfia siorna juunip ulluisa aappaanni qaartartumeerneqarpoq. Inuit arfinillit taamanikkut toqutaapput, 30-llu missaat ikilerneqarlutik.

Qaartartumeerineq videoliarineqarsimavoq. Aviisimi Jyllandpostenimi Muuamaamik illaruaatissiilluni titartakkat videomi aamma uparuarneqarput, soorlu aamma imminut toqoriaatigaluni qaartartumeerisoq takuneqarsinnaasoq.

Erfalasoq Dannebrog videoliami aamma ersersinniarneqarpoq.

Peqqarniisaarniarsimasutut pasineqarluni tigummineqartup aappaa David Headley ukioq manna marloriarluni Danmarkimiissimavoq, assigiinngitsunik assiliiartorsimalluni. Dronningip paarsisui filmiliarisimavai, taakku Jyllandspostenip qitiusumik allaffeqarfii ullut tamaasa sanioqquttarpaat.

Tahawwur Hussein Rana aamma David Headley Jyllandspostenimik saassussiniartutut pasineqarnerminnut pinngitsuunerarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq